قصائد حسينية مكتوبة مع اللحن، تعتبر القصيدة من احد الضروب الشعرية في الادب العربي، وهي من الدلائل على فصاحة العرب وتتكون من مجموعة من الابيات الشعرية التي تتحدد بالوزن والقافية، وتحتوي على مجموعة من العناصر الأساسية فيها والتي منها العاطفة وهي عبارة عن الشعور الذي يشعر به الشاعر عن كتابة القصيدة، والفكرة وهي الرسالة التي يرغب الشاعر في ايصالها من قبل هذه الابيات الشعرية، والخيال، والأسلوب، والنظم، وسنعرض لكم في هذا المقال مجموعة من القصائد حسينية المكتوبة من اللحن الخاص بها.
قصائد حسينية مكتوبة ياليل طوّل ساعاتك يا ليل أحمل آهاتك
هناك العديد من القصائد الحسينية الجميلة التي تجذب انتباه العديد من الافراد حيث انها في الغالب تتحدث على بعض الحكم التي تزيد من ترقية القيم وسموها عند الافراد.
طول ياليل الوداع اشما تطول اوياك أساهر
ما أمِل من البواجي حتى لو تعمه النواظر
حسين بس هالليله يمي ماتشوفه عيوني باجر
صـدگـنـي يا ليل القهر
يا ريتك اطّول دهر
خايفه من أشباح القدر
وخاف اظل مكسورة خاطر
يا ليل ارحـم دلالي
يا ليل ضاعت آمالي
آه يا دهـري الـخوان
تـتـولانـي الـعـدوان
آنه ياليل العقيلة زينب المعروف خدري
طولي ماواحد الشافه اولاستر يوصل الستري
لچن يا ليل اشبديه سلمت للقدر أمري
دمعاتي يبسن بالجفن
من يطر مصباح الحزن
بطفال و بعيله امتحن
و الله ما ينحمل صبري
يا ليل كافي اتروعني
يا ليل صبحك يفجعني
لـو نزلوا للميدان
تـتولاني العدوان
والله خنگتني العبره اشلون اوّصف هالمسيه
مثل سرب الگطه طلعت للوداع الفاطميه
ريتك اتشاهد بناتك علي يا حامي الحميه
يندبهن احسين اسمعن
كلهن فرد فزعه افزعن
ويّ الولي يتوادعن
هاي روحه ابلايه جيه
نـسوان يا هو اليحميهن
لـو راح عـنهن و اليهن
يـقـبـل داحـي البيبان
تـتـولانـي الـعـدوان
كلمن اتعنت وليها تـهل دمع الحزن يمه
سكنه لحسين ابو اليمه راحت بلهفه تشمه
اوليله للأكبر ولدها هوت فوگه اتصيح ُيمه
او رمله اوي جاسم جاعده
تـظفر اجعوده اتناشده
ارحم دليل الوالده
و للصدر گامت تضمه
چاوين يوليدي الشمعه
جـسام شو صارت دمعه
فقدك مو بالحسبان
تـتـولانـي العدوان
آه يا حال الرباب الحنّت النوگ البجيها
اتعاين العبدالله طير الجنة نايم فوگ ايديها
يفز لو رادت ترضعه من يروح ايدر ثديها
متهني ابنها بنومته
خافت يفز لو رضعته
گـامت تصد الرقبته
طاحت او فگدت وعيها
چـا ليش يبني ايذبحونك
سـبّـاح گلبي يگطعونك
چـيّ گـلتلهم عطشان
تـتـولاني الـعدوان
زينب العباس اخوها اتعنت و گامت تنشده
خويه بيّ اشلون باجر گلي يا راعي الموده
يا كفيل الظعن ظعني للوطن يا هو اليرده
عـبـاس انت اللي گلت
ويـاي گـومـي و أمنّت
يـا الأخـو بيه اتكفلت
اشـلون لو اوگع بشده
عباس دگعد حاجيني
عـباس ويـن تـخليني
اخـتك يـا عالي الشان
تـتـولانـي الـعـدوان
وفي نهاية هذا المقال نكون قد تعرفنا على مجموعة من القصائد الحسينية المكتوبة والتي منها قصائد حسينية مكتوبة لطم، وقصائد حسينية مكتوبة زنجبيل، وقصائد حسينية مكتوبة بحر طويل.